Lao Hamutuk

Bulletin  |  Surat Popular  |  Topic index  |  Reports & Announcements  |  Updates
Reference  |   Presentations  |  Mission Statement  |  LH Blog  |  Search  |  Home

Orsamento Estadu 2009: Prudente ka lae?

Janeiro - Abril 2009

La'o Hamutuk no Ministeriu Finances halo diskusaun iha jornal Timor Post no Suara Timor Lorosa'e kona ba Orsamento Estadu 2009 no malisan rekursu. Pajina ne'e inklui artigu tolu ho debate klean. La'o Hamutuk agradese ba Vice-Ministru Rui Hanjam ba nia participasaun.


Prudente ona ka Estadu Timor-Leste maneza nia orsamentu?

Husi: Institutu Lao Hamutuk
Timor Post, 17 Janeiru 2009

Lao Hamutuk fiar katak politika gastu iha orsamentu 2009 sei, iha gerasaun ida ka rua tuir mai lori Timor-Leste ba iha "malisan Rekursu." Ita-nia Governu sei la bele iha rekursu ba servisu esensial balun, no ita-nia oan sira sei labele hetan saude neeb saudavel, edukasaun neeb iha kualidade, dame no seguransa neeb hanesan direitu sira-nian desde moris.

Iha mundu-rai-klaran, nasaun barak, inklui Timor-Leste, iha mina no gas iha sira-nia teritoria. Rikeza sira nee bele f rikusoin ba nasaun nee, no ba kompaa sira neeb hasai no faan mina no gas (petroleu). Maibe iha nasaun barak, rekeza nee la f benefisiu ba ema barak, no dezenvolve rekursu petroleum bele kauza estraga barak liu duke benefisiu. Dalan ida malisan rekursu mosu iha rai ida mak liu husi gasta osan barak wainhira rendementu mina sae aas, komesa halo programa neeb la bele mantein wainhira rendementu mina tuun tamba presu mina mundial tuun ka reserve uza hotu ona. Karik Timor-Leste bele hasees-an husi malisan nee, uluk-nanain ita tenke kompriende fator neeb kauza ema barak iha mundu nee, husi Ecuador too Nigeria too mai Aceh, atu konklui katak sira sei moris diak liu tebes karik mina no gas la hetan iha sira-nia teritoria. ...

Hare artigu tomak


Prudente versus Malisan:
Hatan ba Institute Lao Hamotuk kona ba Questao:
Prudente ona ka Timor-Leste maneza nia orsamento?

Suara Timor Lorosa'e iha parte lima, - 9-16, Marsu 2009

Hosi Rui Manuel Hanjam, Vice-Ministru Finansas RDTL

Iha artikel nebe hatun hosi diario ida nee iha edisaun sabado, 17 de Janeiro 2009, pagina 8, opiniaun ho Titulo : Prudente ona ka estadu Timor-Leste maneza nia orsamento? Hakarek nain hosi Instituto Lao hamotuk halo analiza ba oinsa stado Timor bele gere nia fundu minarai nebe sei sai sustentabel. Iha artikel nee hakerek nain mos prekupa teb-tebes tamba guverno prepara orsamento ba 2009 ho estimatisaun rendementu sustentabel tokon $408 ho aumenta tan tokon $181 nebe tuir hakerek nain nebe pesimista teb-tebes nebe expresa ho lia fuan balun hanesan hau atan sita tuir mai nee:  ...

Hare no lee tiha artikel nee hau ata tenki fo louvor no apresiasaun ba hakerek nain hosi ekipa Rekursu Naturais no Ekonomia institute lao hamotuk nian tamba ho rasaun; Premeiro, tenki iha duni sociadade civil nia funsaun atu kontrola guverno nia knar ba halo execusaun orsamento nian tuir dalan lolos ba povu nia benefisiu. Tamba ho prekupasaun ekipa institute nian importante hanesan watch dog ka kontinua tau matan ba guverno no estado tomak nia gestao ba riku soin. Segundo, ho analize hirak hanesan nee, bele mos provoka discusaun constructive nomos halo riku liu tan ita nia hanoin kona ba ita nia rikusoin, no oinsa bele gere ho diak no koidadu (prudente) riku soin nee ba ita nia moris no ba future gerasaun, atu labele monu ba malisan aat hanesan experiencia rai seluk nian.

Ho hau nia hakerek ida ida nee hakarak hatoo informasaun oitoan atu nunee ita bele too iha konklusaun katak ita tama ona ba malisan nebe refere ka lae. ...

Hare artigu tomak


MALISAN REKURSU no dalan ba Timor-Leste hodi hakbesik an ba MALISAN REKURSU

Timor Post, 29 Abril 2009

Husi : Juvinal Diaz, Lao Hamutuk

Iha artigu ida ne ami hakarak atu foka oituan kona ba utilizasaun rendimentu minarai nian iha fundu petroleum hodi finansia aktividade governasaun iha Timor-Leste nebe bele sai dalan malisan rekursu nian ba povo Timor-Leste, hanesan mos atu fo hanoin ba entidade tomak inklui sosiedade sivil no orgaun estado tomak atu bele fo atensaun ba gestaun finanseiro nasaun RDTL ida ne. Iha artigo ida ne mos ami hakarak atu esplika ba pozisaun Lao Hamutuk nian sobre Prudente ona ka Estado Timor-Leste maneza nia orsamento iha jornal Timor Post edisaun sabadu 17 janeiru 2009 nebe hetan mos artigo resposta husi Sr. Rui Hanjam, atual vice Ministru Finansa nian iha jornal STL edisaun loron 9-16 marsu 2009 nian titulu Prudente versus malisan : Hatan ba institute Lao Hamutuk kona ba questao: prudente ona ka Timor-Leste maneza nia orsamento?

Malisan rekursu

Malisan rekursu ka ema ho lian ingles katak "resources curse" mosu tamba utilizasaun ka gestaun rendimento rekursu naturais nebe lalos ka dependesia nasaun ida ba rendimento minarai ka rekursu naturais husi industria ekstratif deit no la fo oportunidade ba seitor seluk atu moris hodi sai fontes rendimento ekonomia ba rai laran. ...

Hare artigu tomak

 

The Timor-Leste Institute for Development Monitoring and Analysis (Lao Hamutuk)
Institutu Timor-Leste ba Analiza no Monitor ba Dezenvolvimentu
Rua dos Martires da Patria, Bebora, Dili, Timor-Leste
P.O. Box 340, Dili, Timor-Leste
Tel: +670-3321040 or +670-77234330
email: 
info@laohamutuk.org    Web: http://www.laohamutuk.org    Blog: laohamutuk.blogspot.com