La’o Hamutuk

Bulletin  |  Surat Popular  |  Topic index  |  Reports & Announcements  |  Updates
Reference  |   Presentations  |  Mission Statement  |  LH Blog  |  Search  |  Home

Projeitu Tasi Mane Infraestrutura Mina Rai

20 Setembru 2011.  Atualiza 29 Abril 2013

Link to this page in English (atualiza foun liu).   Liga ba kraik atu hare eventu durante 2012.

Hili kada grafiku iha pajina ida ne'e atu hare boot liu.

Tasi Mane (naran ba Tasi Timor entre kosta Sul Timor-Leste no Australia) mak naran ba estratejia dezenvolvimentu Governu Timor-Leste – koridor ida ba infraestrutura petroleu tuir kosta sudoeste Timor-Leste. Projeitu ambisiozu ida ne’e esplika iha Planu Estratéjiku Dezenvolvimentu Nasionál, (Excerpt iha English) nudar “dezenvolvimentu tinan barak ba pakote industria tolu iha kosta sul, ne’ebé sei sai nudar ai-rin ba industria petroleu Timor-Leste.”

Pajina ne’e sei aumenta tan tuir dezenvolvimentu projeitu ne’e no bainhira ami hetan tan infomasaun. Pajina ne’e diskute topiku sira tuir mai ne’e:

 

Avaliasaun Impaktu Ambiental

Iha loron 25 de Agustu 2011, Komisaun Aprovisionamentu Nasional RDTL konviida tenderizasaun ba konsultan sira ne’ebé iha interese atu halo Avaliasaun Impaktu Ambiental no dezenvolve planu jestaun ambiental ba komponente sanulu resin ida hosi projetu ne’e, hanesan esplika iha dokumentu tenderizasaun nian no addendum.

Maske dokumentu tenderizasaun nian hateten katak Avaliasaun Impaktu Ambiental (AIA) “halo bazeia ba Dekreitu Lei 5/2011 kona ba Lisensiamentu Ambiental,” maibe funsionariu Diresaun Nasional ba Meio Ambiente ne’ebé responsabiliza atu administra lei ne’e la hetan informasaun kona ba projeitu ne’e. Dokumentu tenderizasaun sira mós la konsistente ho dekretu lei ne’e, no fo informasaun ne’ebé la sufisente atu prepara Avaliasaun Impaktu Ambiental ida ne’ebé propriu. Avaliasaun sira ne’e atu enviziona buat ruma hanesan baze estudu hodi hatama ba Sekretariu Estadu Rekursu Naturais depois peritus tekniku nain sia hala’o servisu durante fulan haat nia laran. Konsultan Avaliasaun Impaktu Ambiental nian sei selu ho osan hosi Fundu Infrastrutura, ne’ebé inklui $31.1 milloens ba projeitu Tasi Mane iha 2011. Husi montante ne’e, tokon $6.7 gasta ona iha fin de Agostu.

Governu fo ona kontratu atu halo AIA ba kompania enjineiru Australia nian WorleyParsons, ne'ebe servisu ona atu apoiu operasaun Bayu-Undan nian. Ami rona katak sira la hetan informasaun sufisiente kona-ba detailu projetu nian atu analize impaktu meiuambiental, liuliu ba komponente iha Betano no Beacu. Tuir TOR, EIA tenke inklui:

• Suai: Supply base area, Industrial estates, Nova Suai, Aeroporto Suai, fatin lafaek
• Betano: Refinaria/Petrokimika, Petroleum city (Nova Betano)
• Beaçu: Planta LNG Plant (to'o tokon 20 tonelada kada tinan / MTPA), Nova Beaçu, Nova Viqueque, Aeroporto Viqueque

Atu hetan informasaun atual no detailladu liu kona-ba prosesu AIA, inklui dokumentu availilsaun rasik, liga ba iha ne'e.


 Suai Supply Base sei han liu Hektare 1,000.                                      Planta LNG iha Beacu presiza kadoras husi Sunrise.

Prioritiza liu seitor Petroleu duke seitor seluk sustentavel

Iha fin de 2011, La’o Hamutuk hato’o nia preokupasaun katak orsamentu estadu tinan 2011 aloka orsamentu liu tokon $30 ba projetu Tasi Mane, liu dala rua kompara ho orsamentu ba Ministeriu Agrikultura. Ami lamenta ba kuaze fo atensaun esklusiva tomak ba iha industria petroleu (no halakon oportunidade atu esplora posibilidade seluk ba dezenvolvimentu ekonomia) iha ami nia komentariu ba Planu Estratéjiku Dezenvolvimentu Nasionál iha fulan Julhu 2011: “desde iha konsesus katak Timor-Leste tenki sai hosi dependensia ba seitor petroleu iha longo prazu, ami la satisfaz katak prosesamentu petroleu mak uniku dezenvolvimentu industria ne’ebe atu diskute ba. Oinsa kona ba prosesamentu produtu agrikultura, ka industria ki’ik atu substitui produtu importasaun sira? Industria petroleu ne’ebé presiza kapital intensivu sei fo servisu oit’oan de’it ba ema balu, inklui Timor oan. Aloka mayoria ita nia rekursu intelektual no finanseiru ba seitor petroleu sei fo dezafiu boot ba ita atu muda ba ekonomia ne’ebé la depende ba petroleu depois mina no gas hotu iha tinan 13 oin mai.” Relatóriu Dezenvolvimentu Umanu Nasional PNUD nian “Jere Rekursu Natural ba Dezenvolvimentu Umanu; Dezenvolve Ekonomia Naun-Petrolifera hodi alkansa ODM sira (MDG)" diskute mós asuntu sira ne’ebé hanesan.

Ami mós preokupa ho viabilidade ekonomia projetu Tasi Mane nian, tamba seidauk iha investidores seitor privadu ne’ebé hatudu nia interese. Hosi pontu de vista investimentu, retornu dalaruma la justifika montante osan povo ne’ebé gasta. Planta LNG iha Beaco sei presiza gas hosi kampu Greater Sunrise, ne’ebe kompania mina-rai ne’ebe hetan kontratu lakohi atu lori mai iha Timor-Leste. Dala ruma sei laiha projeitu iha tasi laran mak atu fo fornesimentu ba baze Fornesementu iha Suai karik laiha kampu foun mak deskobre hafoin Kitan maran iha 2016. Planta Eletrisidade Betano hetan ona opozisaun hosi komunidade no hatidin refinaria dook hosi sidade prinsipal sira iha Timor-Leste.

Osan atu ba ne’ebé?

To’o ohin loron, besik osan hotu ne’ebé gasta ba projetu ida ne’e ba tiha ona kompania hosi rai li’ur sira, susar atu fo oportunidade servisu ba ema rai-nain ka ba ekonomia lokal. Kontratu boot liu to’o ohin loron mak ho intermediariu lokal ba kompania internasional, barak liu mak asina iha semana ikus tinan orsamentu 2010 nian. La’o Hamutuk hetan lista hosi kontratu relevante sira hosi Portal Aprovisionamentu iha 15 Setembro 2011. Ne’e seidauk inklui tender nakloke (hanesan konsultan AIA, ne’ebé esplika iha leten) no kontratu sira ne’ebé fo durante fulan tolu ikus.

Award date

Vendor name

Procurement document

Award amount

17-Dec-2010

EASTLOG HOLDING PTE LTD

Provision of the Commercial and Financial Feasibility Study, Detail Design with complete Engineering of Suai SUPPLY (No. 007-MPS/SSB/XII/2010)

Hare Resolucao do Governo N° 26/2011 fo naran kompania Eastlog hanesan Konsultan Tekniku ba Supply Base

$1,500,000.00

22-Dec-2010

EMBI ELECTRIK UNIPESSOAL LDA

Provision of the commercial and financial feasibility study, detail design with complete engineering of Suai Supply base (Contract no. 007-MPS/SSB/XII/2010)

$1,900,000.00

16-Dec-2010

PETROMOR LTD (HELIO GOMES)

Preliminary, detailed design and environmental economic assessment for highway roads from Suai to Beaco (No. 003 MBS/MED/SBH/XI/2010)

$1,324,932.00

16-Dec-2010

PT. BEXCELLENT MITRA CEMERLANG

Spatial design planning for southern coast of Timor-Leste (Districts of Suai, Manufahi and Viqueque (No. 005 MPS/MED/SDPSC/XI/2010)

$1,181,065.00

16-Dec-2010

PT. DSI MAKMUR SEJAHTERA

Spatial Design Planning for Southern Cost of Timor Leste, (Districts of Suai Manufahi and Viqueque) (No. 004/MPS/MED/SDPSC/XI/2010)

$900,000.00

16-Dec-2010

PT. VIRAMA KARYA

Preliminary, detailed Design and Environmental Economic Assessment for Highway Roads from Suai to Beaco. (No.003 MPS/MED/SBH/XI/2010)

$980,000.00

19-Nov-2010

TOKE OIL & GAS SA

Contract No.: STA-SERN-001/2010 Provision of Metocean and Ground Investigation Survey nearshore and onshore Timor-Leste

$6,639,517.00

21-May-2010

TOKE OIL & GAS SA

Offshore Ground Investigation and Bathymetric Survey Services in Three (3) Inshore Areas at Suai and Beaco

$1,299,140.55

 

TOTAL

 

$15,724,654.55

Protesta no sosializasaun iha Betano

Iha 31 Agostu (Betano-Sub distritu Same, Distritu Manufahi) komunidade halo demonstrasaun atu protesta Governu ne’ebé foti tan rai hektaris 12 (hodi aumenta tan ba rai hektare ha’at ne’ebé komunidade entrega tiha ona ba estadu) ba sentral eletrisidade oleo pezadu iha Betano. [Sekretario Estadu Rekursu Naturais Alfredo Pires hatudu mapa iha liman karuk ba konferensia ambiental iha Dili iha fulan Outubru. Mapa ne'e hatudu katas sentral eletrika bele uza hektaris 82. Iha sorin, SERN sei aloka hektaris 230 tan ba refinaria no planta petrokimika.]


Rai hektares 16 ne'ebe hamos ona iha Junu 2011.

Liu ema 300 husi komunidade Betano atende enkontru ba sosializasaun informasaun iha 12 Setembru.

Husi karuk ba los: Administrador Distrito Manufahi, Komandante PNTL (La marka), Diretor Nasional ba Direitus Humanus no Sidadania, Sekretariao Estadu Meio-Ambiente, Ministra Justisa, Diretor Nasional Terras e Properiedade, Sekretariu Estadu Eletrisidade, Agua no Urbanizasaun (La marka), reprezentativu Sekretariu Estadu Rekursu Naturais.


Peskizador sira husi La’o Hamutuk koalia ho panelista balun.


Francisco Monteiro husi SERN esplika planu ba Novo Betano, inklui sentral eletrika no refinaria mina-rai.

Iha 12 de Setembro, Ministra Justisa Lucia Lobato, Sekretariu do Estadu ba Meio Ambiente Abilio Lima, no Francisco Monteiro (representante Sekretariu Estadu ba Rekursu Naturais) hasoru malu ho komunidade lokal iha Betano atu esplika politika estadu nian ba Rai, meio ambiente, Projetu eletrisidade oliu pezadu, no projetu Tasi Mane.

La’o Hamutuk observa katak esplikasaun husi Governu ladun atende ba preokupasaun husi impaktu projeitu boot sira ne’e ba komunidade nia moris, maibe obriga deit komunidade atu simu modelu dezenvolvimentu Governu nian. Ministra Lobato fila-fila hateten “Projeitu Tasi Mane ne’e, Governu tenke lori ba oin, Estadu iha esforsu maka’as atu projeitu ne’e sai realidade atu nune’e mina ne’e mai duni iha Pantai Selatan (Kosta Sul)”.

Sekretariu Estadu Maiu-Ambiente Abilio Lima hatutan “Hakarak ka lakohi estadu tenke lori projeitu boot sira ne’e ba oin atu fo benefisiu ba nasaun.”

Reprezentante Sekretariu Estadu Rekursu Naturais, Sr. Fransisco Monteiro esplika katak “…Projeitu ne’e sei presiza rai lubuk, ba refinaria no bairo special iha Nova Betano ... projeitu ne’e ami konsente teb-tebes atu lao ba oin. Nova Betano, sidade foun ida atu suporta industria petroleu…

Iha parte seluk, komunidade Betano ekspresa sira nia hanoin kona-ba projeitu ne’e. Komunidade kestiona planu atu foti rai lubuk ba refinaria, petrokimika no sentral eletrika nian. Sira kestiona mos impaktu ambiental husi polusaun no foer sira ne’ebe sei soe husi projeitu ida ne’e. Manuel Da Costa, komunidade ida husi Suco Betano hateten “ rai Tasi Mane sei sai rai aliansa ba dezenvolvimentu Timor-Leste nian, maibe ami Betano oan sei sai vitima ba dezenvolvimentu. Ami Betano oan suporta dezenvolvimentu, maibe buat ne’ebe ami nian tenke hetan konsiderasaun.

Aselera atividade

Iha 2 Setembru, Konsellu Ministru aprova rezolusaun 26/2011 (iha Ingles no Portugese), hodi hili kompañia Eastlog Holding PTE husi Singapura nudár konsultan no espesialista atu ezekuta kontratu ida ba “Engineria, aprovizionamentu no Konstrusaun” ba Supply Base iha Suai, ho estimasaun kustu tokon $273-$347. Eastlog sei hetan pagamentu tokon $6.6, no hein hela atu investe tokon $12-$15 husi projetu ne’e nia osan rasik. Bainhira remata tiha, Supply Base sei aluga ba uzu ne’ebé eskluzivu husi Kompañia Mina-rai Nasionál TimorGAP, ne’ebé sei sai na’in ba projetu no hahein hela atu kobre tokon $8 iha kustu operasaun annual.

Fransisco Monteiro mak nomeadu nudár Prezidente ba TimorGAP iha 28 Setembru.

Proposta orsamentu estadu 2012 inklui tokon $164 ba projetu Tasi Mane, inklui tokon $100 ba Supply Base no tokon $45 ba auto-estrada husi Suai-Beaçu, ne’ebé nia folin ikus nian liu biliaun ida dolar Amérika. La’o Hamutuk konklui katak estadu sei fó subsídiu $156 ba kada motorista iha 152 km iha estrada ne’e. Ami nia submisaun ba Parlamentu kona-ba Orsamentu Estadu nian diskute projetu Tasi Mane iha pájina 14-15, no tabela tuir mai hatudu despeza projetu nian, iha tokon dolar Amérika, hanesan hateten iha Orsamentu Estadu 2012.

Komponente projetuDespeza 2011Alokasaun 2012 Alokasaun 2013-2016 Imprestimus antisipada
Survei detailhadu ba infraestrutura Beaçu$5.0$0.5  
Dezeñu, konstrusaun no supervizaun husi baze fornesimentu Suai$9.0$100.0$220.0 
Konstrusaun no supervizaun ba estrada no pontes ba auto estrada Suai-Beaçu$1.3$45.2$500.0$220.0
Estudu Ambientál$0.8$2.1  
Analiza rute ba kadoras$2.0$1.5  
Dezeñu no supervizaun ba infraestrutura Beaçu$0.8$3.5  
Dezeñu, konstrusaun no supervizaun ba aeroportu Suai $5.0  
Dezeñu, konstrusaun no supervizaun ba aeroportu Viqueque
(orsamentu iha transporte)
 $1.0  
Estudu detalhadu ba Geoteknika no Marina ba planta petrokimiku iha Betano $5.0  
Total$18.9$163.8$770.0$220.0

Tuir Portal Transparénsia Governu nian, to'o 18 Janeiru 2012 tokon $8.3 de’it husi tokon $18.9 mak gasta tiha, maske liu tokon $10.5 mak sei iha kompromisu ka obrigasaun. Osan sira ne’e mai husi Fundu Infraestrutura, ne’ebé bele uza husi tinan ida ba tinan seluk sein re-dotasaun.

Ami husu ba Parlamentu atu la aloka osan ba konstrusaun projetu Tasi Mane to’o Governu aprezenta analiza solidu ida ba kustu ekonómiku no benefísiu no diskute iha Parlamentu. Nesesidade ida ne’e substantivu no realistiku liu duke vizaun furak, no tenke inklui informasaun ba kustu no rendimentu no projeksaun ba empregu durante projetu nia tempu tomak ho akurat no detailhadu. Ami enkoraja Parlamentu atu insiste hodi lejítima Avaliasaun Impaktu Ambientál no konsultasaun públiku ne’ebé lolos, ho liberdade, konsentivemente sai primeiru pontu no informadu, molok gasta tan ba elementu ruma iha projetu Tasi Mane. Maske nune’e, orsamentu ba projetu ne’e, aprova tiha sein iha mudansa ba proposta Governu nian ba projetu ne’e.

2012

Iha Fevereiru, Sekretariu Estadu Rekursu Naturais Alfredu Pires halo intervista naruk ho Televizaun Timor-Leste hodi esplika rasionalidade ba Supply Base. Nia koalia informasaun ne’ebe hanesan iha pájina ida tomak iha Diário Nasionál ne’ebe Governu selu atu publika informasaun Governu nian Governu Hakarak Dezenvolvimentu Hafahe ba Kosta hotu iha Timor-Leste iha loron 13 fulan Fevereiru.

Liu tiha loron haat, jornál Timor Post inklui tan anúnsiu ba pozisaun 22 iha TimorGAP, relasiona ho komponente balu hosi Projetu Tasi Mane, no mos intervista ho Prezidente TimorGAP nian Francisco Monteiro katak "TimorGAP Involve Dereita Iha Esplorasaun Mina."

Iha Abril, Governu lansa website ba Portal Rezultadu Governu ne'ebé diskute Tasi Mane planeamentu spatial, estudu ambiental no auto-estrada. Portal ne’e inklui mapa dramátika no dezeñu hosi komponente projetu nian (hili iha kada dezeñu hodi haree bot liu tan):

Iha 1 Juñhu, Primeiru Ministru Xanana Gusmão nomeia Prezidente TimorGAP Francisco Monteiro no Prezidente Autoridade Nasionál Petróleu Gualdino da Silva ba Konsellu Konsultivu Investimentu Fundu Petrolíferu nian. Nomeasaun sira nian ne’e hamosu preokupasaun kona-ba intensaun atu investe riku-soin Fundu Petrolifeiru ba iha Projetu Tasi Mane, ne'ebé sei hasoru risku boot no dala ruma la produz retornu finansial ruma, hanesan diskute ona iha ami nia blogue Hoban-an klean liu iha tahu mina-rai.

 

The Timor-Leste Institute for Development Monitoring and Analysis (La’o Hamutuk)
Institutu Timor-Leste ba Analiza no Monitor ba Dezenvolvimentu
Rua D. Alberto Ricardo, Bebora, Dili, Timor-Leste
P.O. Box 340, Dili, Timor-Leste
Tel: +670-3321040 or +670-77234330
email: 
info@laohamutuk.org    Web: http://www.laohamutuk.org    Blog: laohamutuk.blogspot.com